Yaponiya iyenasi 20 yil ichidagi eng past darajaga tushdi. Bu haqda Forbes xabar berdi.
Payshanba kungi kimoshdi savdosida uning AQSH dollariga nisbatan kursi 2002-yildan beri birinchi marta bir dollar uchun 130 iyenadan oshdi.
Yaponiya bankining qisqa muddatli kursni salbiy darajada ushlab turish qaroridan keyin valyuta kursi zaiflashadi.
Yaponiya bankining qisqa muddatli foiz stavkasini -0,1 foiz darajasida ushlab turish va uzoq muddatli daromadlilik o‘sishini to‘xtatish qaroridan keyin valyuta qadrsizlanmoqda.
Bank har kuni moliyaviy institutlardan Yaponiya davlat obligatsiyalarini sotib olishni davom ettirish to‘g‘risida so‘ramoqda. Bu COVID-19 oqibatlaridan qutulish holatida bo‘lgan iqtisodiyotni qo‘llab-quvvatlash jarayonidir,— deydi agentlik.
Ushbu fonda 10 yillik yapon obligatsiyalarining daromadliligi 2,5 bazis punktga pasayib, 0,215 foizni tashkil etdi.
30 yillik obligatsiyalar daromadliligi 1,5 bazis punktga pasayib, 0,96 foizni tashkil etdi.
10 yillik Yaponiya va AQSH obligatsiyalari daromadlari o‘rtasidagi tafovut so‘nggi uch yildagi eng katta darajaga yetdi
Amerika valyutasi mustahkamlanmoqda. Dollar deyarli ikki yil ichida eng yuqori darajaga ko‘tarildi va aprel oyida 4,5 foizga o‘sdi.
Izoh (0)