Avvalroq 2022-yilning yanvar—mart oylarida o‘rtacha oylik nominal hisoblangan ish haqi o‘tgan yillarning mos davri bilan solishtirganda o‘zining eng yuqori natijasini qayd etgani haqida xabar berilgan edi.
Bank, sug‘urta, lizing, kredit va vositachilik iqtisodiy faoliyat turlari bo‘yicha eng ko‘p nominal ish haqi to‘laydigan soha deb topildi. Bu haqida Davlat soliq qo‘mitasi xabar berdi.
Yanvar-mart oylaridagi eng yuqori o‘rtacha oylik ish haqi bank, sug‘urta, lizing va kredit vositachilik faoliyatida qayd etilgan — 8,4 mln so‘m.
Soha doirasidagi eng baland ish haqi to‘lanadigan faoliyat turi — moliyaviy xizmatlar ko‘rsatish va sug‘urtalash (11,5 mln so‘m), eng pasti esa qayta sug‘urtalash va nafaqa jamg‘armalari faoliyati (8,2 mln so‘m) hisoblanadi.
Bank, sug‘urta, lizing, kredit va vositachilik faoliyatida eng yuqori o‘rtacha ish haqi hududlar kesimida Toshkent shahriga (10,7 mln so‘m) to‘g‘ri keladi.
Andijon viloyatida ushbu sohalar vakillarining o‘rtacha ish haqi miqdori 8,4 mln so‘mni tashkil etsa, Xorazm va Navoiy viloyatlarida bu qiymat 7,1 mln so‘mga teng.
O‘rtacha oylik ish haqi to‘lashning keyingi o‘rinlarida Buxoro viloyati (6,9 mln so‘m), Qoraqalpog‘iston (6,8 mln so‘m) va Toshkent viloyati (6,6 mln so‘m) turadi. Bu sohalardagi eng kam nominal ish haqi to‘lanadigan viloyat Samarqand hisoblanib, unda bu qiymat 5,5 mln so‘mga teng deb hisoblanmoqda.
Izoh (0)