Япония иенаси 2002 йилдан бери энг паст даражага тушди

Япония иенаси 20 йил ичидаги энг паст даражага тушди. Бу ҳақда Forbes хабар берди.

Пайшанба кунги кимошди савдосида унинг АҚШ долларига нисбатан курси 2002 йилдан бери биринчи марта бир доллар учун 130 иенадан ошди.

Япония банкининг қисқа муддатли курсни салбий даражада ушлаб туриш қароридан кейин валюта курси заифлашади.

Япония банкининг қисқа муддатли фоиз ставкасини -0,1 фоиз даражасида ушлаб туриш ва узоқ муддатли даромадлилик ўсишини тўхтатиш қароридан кейин валюта қадрсизланмоқда.

Банк ҳар куни молиявий институтлардан Япония давлат облигацияларини сотиб олишни давом эттириш тўғрисида сўрамоқда. Бу COVID-19 оқибатларидан қутулиш ҳолатида бўлган иқтисодиётни қўллаб-қувватлаш жараёнидир,— дейди агентлик.

Ушбу фонда 10 йиллик япон облигацияларининг даромадлилиги 2,5 базис пунктга пасайиб, 0,215 фоизни ташкил этди.

30 йиллик облигациялар даромадлилиги 1,5 базис пунктга пасайиб, 0,96 фоизни ташкил этди.

10 йиллик Япония ва АҚШ облигациялари даромадлари ўртасидаги тафовут сўнгги уч йилдаги энг катта даражага етди

Америка валютаси мустаҳкамланмоқда. Доллар деярли икки йил ичида энг юқори даражага кўтарилди ва апрель ойида 4,5 фоизга ўсди.