O‘zbekistonda hududlar bo‘yicha korxona va tashkilotlar xodimlarining o‘rtacha oylik maoshi ma’lum bo’ldi.
2022-yil yanvar—mart oylarida O‘zbekistondagi o‘rtacha oylik nominal hisoblangan ish haqi 3,4 mln so‘mni so‘mni tashkil etib, o‘tgan yilning mos davriga nisbatan o‘sish sur’ati 119,1 foizni tashkil qildi. 2021-yil birinchi choragida o‘rtacha oylik ish haqi 2,8 mln so‘m bo‘lgan edi.
Birinchi chorakda hududlar kesimida eng yuqori ko‘rsatkich Toshkent shahriga tegishli bo‘lmoqda — 5,2 mln so‘m. Keyingi eng yaxshi maoshlar Navoiyda bo‘lib, o‘rtacha ish haqi 4,7 mln so’m bo‘lgan. Uchinchi pog‘onada Toshkent viloyati qayd etilgan. Viloyatda 2022-yilning yanvar-mart oylarida aholiga to‘lanadigan o‘rtacha oylik ish haqi 3,7 mln so‘m bo‘lgan.
2022-yilning birinchi choragida eng kam o‘rtacha oylik ish haqi Farg‘ona viloyatida qayd etilgan. Viloyatdagi korxona va tashkilotlar xodimlariga o‘rtacha 2,59 mln so‘m maosh to‘lanmoqda.
Bu ko‘rsatkich Jizzax, Samarqand, Qashqadaryo, Surxondaryo va Namangan viloyatlarida ham 2,6 mln so‘m atrofida bo‘lib turibdi.
O‘tgan yilga nisbatan eng yuqori o‘sish Navoiyda qayd etilgan — 24,1 foizga. Keyingi o‘rinlarni Toshkent shahri (23 foiz) va Toshkent viloyati (21,9 foiz) egallagan.
Oylik maoshlarning o‘sish ko‘rsatkichi o‘tgan yilga nisbatan barcha hududlarda 10 foizdan yuqori bo‘lgan
Avvalroq O‘zbekistonda eng kam va eng ko‘p ishlab chiqaruvchi viloyatlar ma’lum bo‘lgan edi.
Izoh (0)