Futbol bo‘yicha Yevropa Chempionlar Ligasining yarim final o‘yini doirasida “Manchester Siti” va “Real” 26-aprel, seshanba kuni o‘zaro bahs yuritdi.
“Etihad”da o‘tgan bahsda jamoalar umumiy hisobda 7 ta gol urdi. 2-daqiqada Kevin de Bryuyne boshi bilan gol urib, hisobni ochdi. 11-daqiqada Gabriel Jezus oradagi farqni 2 taga oshirdi. Biroq 33-daqiqaga kelib, Karim Benzema bir urinish bilan hisobni qisqartirishga erishdi. Jamoalar tanaffusga shu hisobda yo‘l oldi.
Ikkinchi 45-daqiqalik avvalida birdaniga 2 ta gol urildi. Dastlab Fil Foden o‘z nomini tabloga yozdirib qo‘yib, oradagi farqni yana ikkitaga oshirgan bo‘lsa, oradan hech qancha o‘tmay Vinisius Junior dahshatli tezligi bilan hisobni qisqartirdi. 74-daqiqada Bernardu Silva super zarbasi bilan to‘pni Tibo Kurtua darvozasining to‘qqizligiga joylab qo‘ydi. 82-daqiqada esa Karim Benzema 11 metrlik jarima zarbasini mohirona amalga oshirdi, biroq bu “qirollik klubi”ni mag‘lubiyatdan qutqarib qola olmadi — 4:3
Shu tariqa Xosep Gvardiola jamoasi dramatik ruhda o‘tgan bahsda Karlo Anchelotti shogirdlaridan ustun keldi. Jamoalarning javob bellashuvi 4-may kuni bo‘lib o‘tadi. Ikkinchi yarim final o‘yinida esa “Liverpul” va “Vilyarreal” 27-aprel sanasida to‘qnash keladi.
YChL
1/2 final, dastlabki bahs
26-aprel, seshanba
“Manchester Siti” Angliya – “Real” Ispaniya 4:3
Gollar: 1:0 – 2 de Bryuyne, 2:0 – 11 Gabriel Jezus, 2:1 – 33 Benzema, 3:1 – 53 Foden, 3:2 – 55 Vinisius Junior, 4:2 – 74 Bernardu Silva, 4:3 – 82, penalti Benzema.“Manchester Siti”: Ederson, Stounz (Fernandinyo, 36), Lyaport, Ruben Diash, Zinchenko, de Bryuyne, Bernardu Silva, Rodri, Foden, Mahrez, Gabriel Jezus (Sterling, 83).
“Real”: Kurtua, Karvaxal, Alaba (Nacho, 46), Militao, Mendi, Modrich (Sebalyos, 79), Kroos, Valverde, Benzema, Vinisius Junior (Asensio, 88), Rodrigo (Kamavinga, 70).
Ogohlantirishlar: Fernandinyo (81), Nacho (90).
Izoh (0)