Futbol bo‘yicha Angliya Kubogi yarim finalida “Chelsi” va “Kristal Pelas” jamoalari 17-aprel, yakshanba kuni o‘zaro to‘qnash keldi.
Uchrashuvda hisob 65-daqiqaga kelib ochildi: raqib himoyasidagi xatodan keyin yuzaga kelgan hujumni Ruben Loftus-Chik chiroyli gol bilan yakunladi. 76-daqiqada shunga o‘xshash vaziyatda Meyson Maunt “Kristal Pelas” jamoasini jazoladi.
Shu tariqa “Chelsi” Angliya Kubogi finaliga yo‘l oldi va hal qiluvchi bahsda “Liverpul”ga qarshi bahs olib boradi. Mersisaydliklar yarim finalda “Manchester Siti”ni ortda qoldirgandi.
Final o‘yini 14-may kuni Londondagi “Uembli” stadionida bo‘lib o‘tadi.
Angliya Kubogi
Yarim final
17-aprel, yakshanba
“Chelsi” — “Kristal Pelas” 2:0
Gollar: 1:0 – 65 Loftus-Chik, 2:0 – 76 Maunt.“Chelsi”: Mendi, Aspilikueta, Ryudiger, Kristensen (Tiago Silva, 82), Jeyms, Alonso, Kovachich (Loftus-Chik, 26), Jorjinyo (Kante, 77), Maunt (Ziyosh, 77), Haverts (Lukaku, 77), Verner.
“Kristal Pelas”: Batlend, Uord, Andersen, Gexi, Mitchell, Kuyate (Milivoyevich, 85), Makartur (Olise, 72), Shlupp (Benteke, 72), Eze, Zaha, Mateta (Ayyu, 55).
Ogohlantirish: Haverts (38).
Izoh (0)