Футбол бўйича Англия Кубоги ярим финалида «Челси» ва «Кристал Пэлас» жамоалари 17 апрель, якшанба куни ўзаро тўқнаш келди.
Учрашувда ҳисоб 65-дақиқага келиб очилди: рақиб ҳимоясидаги хатодан кейин юзага келган ҳужумни Рубен Лофтус-Чик чиройли гол билан якунлади. 76-дақиқада шунга ўхшаш вазиятда Мэйсон Маунт «Кристал Пэлас» жамоасини жазолади.
Шу тариқа «Челси» Англия Кубоги финалига йўл олди ва ҳал қилувчи баҳсда «Ливерпуль»га қарши баҳс олиб боради. Мерсисайдликлар ярим финалда «Манчестер Сити»ни ортда қолдирганди.
Финал ўйини 14 май куни Лондондаги «Уэмбли» стадионида бўлиб ўтади.
Англия Кубоги
Ярим финал
17 апрель, якшанба
«Челси» — «Кристал Пэлас» 2:0
Голлар: 1:0 – 65 Лофтус-Чик, 2:0 – 76 Маунт.«Челси»: Менди, Аспиликуэта, Рюдигер, Кристенсен (Тиаго Сильва, 82), Жеймс, Алонсо, Ковачич (Лофтус-Чик, 26), Жоржиньо (Канте, 77), Маунт (Зиёш, 77), Ҳаверц (Лукаку, 77), Вернер.
«Кристал Пэлас»: Батленд, Уорд, Андерсен, Гехи, Митчелл, Куяте (Миливоевич, 85), Макартур (Олисе, 72), Шлупп (Бентеке, 72), Эзе, Заҳа, Матета (Айю, 55).
Огоҳлантириш: Ҳаверц (38).
Изоҳ (0)