“Manchester Yunayted” hujumchisi Krishtianu Ronaldu Premyer Liga doirasida “Norvich”ga qarshi kechgan uchrashuvda (3:2) het-trik muallifiga aylandi.
Portugaliyalik futbolchi o‘yindagi uchinchi golini jarima zarbasidan amalga oshirdi. Bu Ronaldu faoliyatidagi jarima zarbasidan urilgan 58-gol bo‘ldi. 37 yoshli futbolchi mazkur ko‘rsatkich bo‘yicha “PSJ” forvardi Lionel Messiga yetib oldi.
Ronaldu 651 kun deganda ilk bor jarima zarbasidan gol urdi. Oxirgi marta u 2020-yilning iyulida A Seriya doirasida “Torino”ga qarshi kechgan bahsda jarima zarbasini muvaffaqiyatli amalga oshirgandi.
Krishtianu “Manchester Yunayted”ga qaytganidan keyin o‘ninchi urinishda jarima zarbasidan gol urdi. “Yuventus”da hujumchi 71 ta urinishdan bitta to‘p kiritgandi.
Ronaldu APL joriy mavsumidagi gollari sonini 15 taga yetkazib olgan holda to‘purarlar ro‘yxatida uchinchi o‘ringa ko‘tarilib oldi. Undan oldinda faqat Muhammad Saloh (20) va Son Hyon Min (17) bormoqda.
Izoh (0)