“Yuventus” va “Napoli” rahbariyati Italiya futbol federatsiyasi sudi tomonidan aybsiz deb topildi, deya xabar bermoqda La Repubblica.
“Yuventus” prezidenti Andrea Anyelli, “Napoli” rahbari Aurelio de Laurentis, shuningdek, ikkala klubning qator menejerlari oqlangan. Jami 59 nafar menejer va 11 ta kompaniya javobgarlikdan ozod qilingan.
Eslatib o‘tamiz, “Yuventus” va “Napoli” Italiya futbol federatsiyasi prokurorlari tomonidan futbolchilarning transfer narxini oshirib ko‘rsatishda ayblangandi. Prokuror Anyellini bir yilga, de Laurentisni esa 11 oyga futbolga oid faoliyatdan chetlatish va jarimalar qo‘llashni so‘ragandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)