Futbol bo‘yicha Ispaniya La Ligasining 32-turida “Atletiko” 17-aprel, yakshanba kuni “Espanyol”ni qabul qildi.
Uchrashuvning birinchi bo‘limida hisob ochilmadi. Tanaffusdan keyin maydonga tushgan Yannik-Ferreyra Karrasko ikkinchi bo‘lim debyutida madridliklarni oldinga olib chiqdi.
71-daqiqada “Atletiko” Jofre Kondogbianing chetlatilishidan keyin bir o‘yinchi kam bo‘lib qoldi. 74-daqiqada Raul de Tomas jarima zarbasini muvaffaqiyatli ijro etib, muvozanatni tikladi. Uchrashuv yakunlanishi arafasida hakam videotakrorlardan keyin katalonlar darvozasi tomon penalti belgiladi, uni Karrasko muvaffaqiyatli ijro etdi.
Ushbu g‘alaba evaziga “Atletiko” ochkolarini 60 taga yetkazib olgan holda “Barselona” va “Sevilya”ga yetib oldi. “Espanyol” (39) 11-pog‘onada qoldi.
La Liga
32-tur bahslari
17-aprel, yakshanba
“Atletiko” — “Espanyol” 2:1
Gollar: 1:0 – 52 Karrasko, 1:1 – 74 de Tomas, 2:1 – 90+10, penalti Karrasko.“Atletiko”: Oblak, Savich, Vrsalko (Mateus Kunya, 46), Felipe, Lodi (Reynildu, 58), Lyorente, Koke, Kondogbia, Lemar (Grizmann, 46), Korrea (de Paul, 78), Joau Feliks (Karrasko, 46).
“Espanyol”: Diyego Lopes, Xil (Aleish Vidal, 46), Kabrera, Serxi Gomes (U Ley, 80), Kalero, Pedrosa (Didak Vila, 87), Vilena (Morlanes, 60), Darder, Bare (Melendo, 60), de Tomas, Puado.
Ogohlantirishlar: Xil (30), Diyego Lopes (33), Kondogbia (37), Felipe (45), Savich (76), Didak Vila (88), Lyorente (88), Morlanes (90), Aleish Vidal (90).
Chetlatish: Kondogbia (71).
Izoh (0)