“Manchester Yunayted” qatorasiga 5-mavsum sovrinsiz qoldi. Krishtianu Ronaldu 12 yil deganda birorta sovringa ega chiqolmadi

“Manchester Yunayted” Angliya Premyer Ligasining 32-turida “Everton”ga yutqazib qo‘ydi (0:1).

Bu mag‘lubiyatdan keyin mankunianliklar APL chempionligini qo‘lga kiritish imkoniyatini yo‘qotdi. 31 ta o‘yindan keyin “Manchester Yunayted” 7-o‘rinda bormoqda va peshqadam “Manchester Siti”dan 22 ochko ortda.

Shu tariqa “qizil iblislar” joriy mavsumni ham sovrinsiz yakunlaydigan bo‘ldi.

Oxirgi marta jamoa 2017-yilda sovrin qo‘lga kiritgandi — Angliya Kubogi va Yevropa Ligasi. “Manchester” APLda 2013-yildan beri chempionlikni qo‘lga kirita olmayapti.

Jamoa hujumchisi Krishtianu Ronaldu 12 yil deganda mavsumni sovrinsiz yakunlaydigan bo‘ldi. So‘nggi bor Ronaldu 2009/10-yilgi mavsumda klub miqyosida sovrin qo‘lga kirita olmagandi.

Angliya Kubogida jamoa 4-bosqichda “Midlsbro” (1:1, penalti — 7:8) to‘sig‘idan o‘tolmagan bo‘lsa, Chempionlar Ligasida “Atletiko”ga (1:1, 0:1) yengilgandi.