“Barselona” bosh murabbiyi Xavi sobiq jamoadoshi va hozirda qo‘l ostida to‘p surayotgan Serxio Buskets haqidagi fikrlari bilan o‘rtoqlashdi.
Kazemiroga hurmatni saqlagan holda shuni aytaman, Buskets — dunyodagi eng yaxshi tayanch yarim himoyachisi. U qolganlarni katta farq bilan ortda qoldiradi.“Barselona” tarbiyalanuvchisi hisoblangan Buskets 2008-yildan buyon katalonlar asosiy jamoasida to‘p surib keladi. 33 yoshli futbolchi joriy mavsum La Ligada 28 o‘yin o‘tkazib, bitta gol urishga muvaffaq bo‘ldi.Buskets nima qilmasin, bu ishni yuqori darajada amalga oshiradi, biroq har doim kuchli tanqid ostida qoladi. Bu chiziqda hech kim Serxio taqdim etayotgan jihatni bera olmaydi.
Unda hali kuch yetarli. To‘p bilan yaxshi ishlayapti va himoyada hech qanday muammo sezmayapti. Unga o‘rinbosar topish oson emas. Bizda Frenki de Yong va Niko bu pozitsiyada o‘ynay oladi, ammo Buskets — tizim yaratadigan futbolchi.
Xavi, “Barselona” bosh murabbiyi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)