“PSJ” hujumchisi Kilian Mbappe Fransiya chempionati doirasida “Klermon”ga qarshi kechgan bahsda (6:1) het-trik muallifiga aylandi.
23 yoshli futbolchi Fransiya chempionatidagi gollari sonini 125 taga yetkazib oldi. So‘nggi 50 yilda faqat Raul Gonsales 24 yoshgacha top-5 ligalarda ushbu ko‘rsatkichni qayd eta olgan.
Kilian Fransiya chempionati joriy mavsumida 20 ta gol urgan holda to‘purarlar poygasida yetakchilik qilmoqda. Shuningdek, uning hisobida 14 ta golli uzatma ham bor va Mbappe bu borada ham Liga 1 da yetakchi bo‘lib turibdi.
Mbappening parijliklar bilan amaldagi shartnomasi 2022-yilning yozida o‘z nihoyasiga yetadi. “PSJ” futbolchini ushlab qolish uchun katta maosh va bonuslar va’da qilmoqda. Biroq Kilianning o‘zi “Real”ga variantini ma’qul ko‘ryapti. Avvalroq fransuz OAV Kilian “PSJ”da qolishga qaror qilgani va bu haqda may oyida e’lon qilinishi haqida xabar qilgandi.
Izoh (0)