2021-yilda O‘zbekistonga qaytib Uzbekistan Airports boshqaruvi raisi bo‘lgan Ra’no Jo‘rayeva so‘nggi yillarda mamlakatda qanday o‘zgardi, degan savolga javob berar ekan, bugungi kunda shahar va mamlakatni shunchaki tanib bo‘lmasligini ta’kidladi.
“Mamlakat o‘zgardi, odamlar o‘zgardi. Va, albatta, O‘zbekistonning shunday jadal rivojlanayotganidan juda xursandman. Hozirda taraqqiyot bunday jadallik bilan ketayotgan, bunday keng ko‘lamli islohotlar amalga oshirilayotgan davlatni topish qiyin. Bu aviatsiyada ham seziladi. So‘nggi 2-3 yil ichida jiddiy o‘zgarishlar yuz berdi. Men sanoatni modernizatsiya qilishga, ham o‘zimizning, ham jahon tajribasidan foydalanishni juda ham xohlayman”, — deydi Uzbekistan Airports boshqaruvi raisi.
Domodedova aeroportini rivojlantirgan mutaxassis
Asli o‘zbekistonlik bo‘lgan Ra’no Jo‘rayeva ko‘p yillar davomida Rossiyada yashagan va aviatsiya sohasida ishlagan.
Xususan:
- Moskvaning Domodedovo aeroport majmuasini rivojlantirish loyihalari va uning aviatsiya bo‘lmagan faoliyati bilan shug‘ullangan;
- Xalqaro aeroportlar assotsiatsiyasining ijrochi direktori bo‘lgan;
- Yerusti kosmik infratuzilma obyektlarini ekspluatatsiya qilish markazini boshqargan.
2021-yilda Ra’no Jo‘rayeva Uzbekistan Airports boshqaruvi raisi etib tayinlangan edi.
Avvalroq 18-mart kuni aeroport majmuasining tantanali ochilish marosimi bo‘lib o‘tgandi.
Izoh (0)