Iqtisodiy tadqiqotlar va islohotlar markazi tomonidan baholangan Ishbilarmonlik faolligi indeksi (IFI) 2022-yil fevral oyida 1085 birlikni tashkil etib, yanvar oyiga nisbatan 8,5 foizga oshdi.
Shuningdek, ishbilarmonlik faolligi indeksida o‘tgan yilning mos davriga nisbatan esa 33 foizlik o‘sish qayd etildi. Bu haqda markaz matbuot xizmati “Daryo”ga ma’lum qildi.
2022-yilning fevral oyida Ishbilarmonlik faolligi indeksi o‘tgan oyga nisbatan 8,5 foizga oshib, 1085 birlikni tashkil etishi, quyidagi komponentlar darajasidagi o‘zgarishlarga bog‘liq bo‘lgan:
- Kompaniyalar bank hisob varaqalaridagi operatsiyalar soni 16,5 foizga oshgan;
- Faoliyat ko‘rsatayotgan kompaniyalar bo‘yicha komponent 2,9 foizga oshgan;
- Tovar-xomashyo birjasida xomashyo sotib olish jadalligi 6,0 foizga oshgan;
- Tovar belgilari bo‘yicha komponent 9,6 foizga kamaygan.
2022-yil fevral oyida Ishbilarmonlik faolligi indeksi 12 ta hududda o‘tgan oyga (2022 yil yanvar) nisbatan o‘sish kuzatilgan.
Xorazm (70,4 foiz), Namangan (46,9 foiz), Surxondaryo (46,0 foiz) va Jizzax (23,7 foiz) viloyatlarida sezilarli darajada o‘sish kuzatilgan.
Shu bilan birga, ushbu indeks 2 ta hududda kamaygan. Xususan, Toshkent (-1,9 foiz) va Andijon (-0,7 foiz) viloyatlarida o‘tgan oyga nisbatan pasayish kuzatilgan.
Bank hisob varaqalari bo‘yicha operatsiyalar
2022-yil fevral oyida banklararo to‘lov operatsiyalari soni 4 964,6 ming tani tashkil etdi va o‘tgan oyga nisbatan 703,6 ming tranzaksiyaga (16,5 foiz) oshgan.
Banklararo to‘lov operatsiyalari soni barcha hududlarda o‘sgan.
2022-yil fevralda respublikaning barcha hududlarida yuridik shaxslar o‘rtasidagi bank operatsiyalari soni o‘tgan oyga nisbatan oshgan.
Xususan, sezilarli darajadagi o‘sish Navoiy (23,1 foiz), Qashqadaryo (19,5 foiz), Samarqand (19,3 foiz) viloyatlarida va Toshkent shahrida (18,7 foiz) kuzatilgan.
Tovar-xomashyo birjasidagi faollik
2022 yilning fevral oyida IFIning birja komponenti 10 599 birlikni tashkil etdi. Bu esa ushbu komponentning o‘tgan oyga nisbatan 6,0 foizga o‘sganligini anglatib, bitimlar sonining (9,6 foiz) oshganligi bilan izohlanadi.
Respublika tovar-xomashyo birjasida tovarlar savdosi umumiy aylanmasi hajmi 2022-yil fevral oyida 6 273,6 mlrd so‘mni tashkil etib, ushbu ko‘rsatkich o‘tgan oyga nisbatan 14,4 foizga oshgan.
Kompaniyaning faolligi
Faoliyat yuritayotgan kompaniyalar bo‘yicha komponent 2022-yil fevral oyida 10 291 birlikni tashkil etib, o‘tgan oyga nisbatan 2,9 foizga oshganligini ko‘rsatadi. Ushbu ko‘rsatkich o‘tgan yilning mos davriga nisbatan ijobiy o‘zgarib, 9,6 foizga o‘sgan.
Fevral oyida barcha turdagi faoliyat yuritayotgan kompaniyalar soni o‘tgan oyga (577 914 birlik) nisbatan 3 861 taga ko‘payib, 581 775 birlikni tashkil etgan.
Hisobot davrida, kichik korxonalar soni 467 096 tadan 470 712 tagacha oshgan (o‘sish 3 616 ta).
Fermer xo‘jaliklari soni 107 751 tadan 107 710 tagacha (pasayish 41 ta) kamaygan. Yirik tadbirkorlik bilan shug‘ullanayotgan subyektlar soni 3 353 tani tashkil etib, 2022-yilning yanvar oyiga nisbatan 286 taga oshgan.
Brendlari ro‘yxatga olish
Bundan tashqari fevral oyida savdo belgilari muhofazasi bo‘yicha biznes faolligi indeksi 0,9043 birlikni tashkil etib, ushbu ko‘rsatkich 2022-yilning yanvar oyiga nisbatan 9,6 foizga kamaygan. Joriy yilning fevral oyida yuridik shaxslar tomonidan 312 ta tovar belgilari va tovar nomlari ro‘yxatga olingan.
O‘zbekiston Respublikasi va mintaqalar bo‘yicha IFI komponentlarining o‘tgan oyga nisbatan o‘zgarishi
O‘zbekiston Respublikasi va mintaqalar bo‘yicha IFI komponentlarining o‘tgan yilning mos oyiga nisbatan o‘zgarishi
Izoh (0)