Muxlislarni tushunmagan Katanes va qahramonlik ko‘rsatgan Sergeyev. Namanganda kechgan O‘zbekiston — Qirg‘iziston o‘yinidan fotogalereya

Namangandagi “Markaziy” stadionida 25-mart, juma kuni Navruz Cup—2022 xalqaro o‘rtoqlik musobaqasining yarim final bahslari bo‘lib o‘tdi.

O‘zbekiston terma jamoasi Qirg‘izistonga qarshi bahs olib bordi. Birinchi bo‘limda tezkor gol o‘tkazib yuborgan mezbonlar ikkinchi 45 daqiqalikda vaziyatni o‘nglashga erishdi. Dastlab Eldor Shomurodov 65-daqiqada muvozanatni tikladi. Zaxiradan maydonga tushgan Igor Sergeyev esa 85 va 90+1-daqiqalarda dublni rasmiylashtirgan holda uchrashuv qahramoniga aylandi.

Shu tariqa O‘zbekiston terma jamoasi musobaqa finaliga yo‘l oldi. 1/2 finalning birinchi bahsida Uganda terma jamoasi Tojikistonni penaltilar seriyasida mag‘lub etib, hal qiluvchi o‘yin yo‘llanmasini qo‘lga kiritdi. Final bahsi 29-mart kuni bo‘lib o‘tadi.

Quyida Navruz Cup—2022 yarim finallaridan olingan suratlarni tomosha qilishingiz mumkin.

Uganda — Tojikiston o‘yinidan olingan suratlar.