Toshkent vaqti bilan 25-mart tongida Argentina terma jamoasi JCh—2022 saralashi Janubiy Amerika mintaqasining 17-turida Venesuelaga qarshi bahs yuritdi.
Argentinada o‘tgan o‘yin mezbonlarning yirik g‘alabasi bilan yakunlandi. 35-daqiqada Nikolas Gonsales hisobni ochdi, 79-daqiqaga kelib, Anxel di Mariya oradagi farqni oshirdi. O‘yin yakunlanishi arafasida esa Lionel Messi ham o‘z nomiga gol yozdirib qo‘ydi.
Ushbu bahsda Messi 7 o‘yindan iborat golsiz seriyasiga nuqta qo‘ydi.
Qayd etish kerak, Argentina terma jamoasi muddatidan avval mundial yo‘llanmasini hal qilib bo‘lgan. Jamoa 38 ochko bilan saralash jadvalida 2-o‘rinda bormoqda. Hisobida 10 ochko bo‘lgan Venesuela esa so‘nggi pog‘onada joylashgan.
JCh—2022 saralashi, Janubiy Amerika
17-tur bahslari
26-mart, shanba
Argentina – Venesuela 3:0
Gollar: 1:0 – 35 Gonsales, 2:0 – 79 di Mariya, 3:0 – 82 Messi.Argentina: Armani, Molina, Otamendi, Pesselya, Talyafiko, Paredes (Rodriges, 88), Korrea (Korrea, 64), de Paul, Mak Allister (di Mariya, 70), Messi, Gonsales (Boye, 88).
Venesuela: Farinyes, Rosales, Chanselyor, Makun, Ferraresi, Navarro (Murilyo, 46), Martines, Errera (Machis, 77), Kasseres (Gonsales, 62), Rondon (Savarino, 83), Martines (Aristegyeta, 62).
Ogohlantirishlar: Navarro (12), Chanselyor (67), Errera (69), Rosales (71).
Izoh (0)