Futbol bo‘yicha Navruz Cup—2022 musobaqasi yarim final o‘yinida O‘zbekiston terma jamoasi 25-mart, juma kuni Qirg‘iziston bilan bahs olib bordi.
Namanganda kechgan bahs tezkor gol bilan boshlandi. 6-daqiqada mehmonlar Mirlan Murzoyevning goli evaziga hisobda oldinga chiqib oldi. Jamoalar tanaffusga shu hisob bilan yo‘l oldi.
Uchrashuvning 64-daqiqasiga kelib, Eldor Shomurodov muvozanatni tikladi. 84-daqiqada zaxiradan o‘yinga qo‘shilgan Igor Sergeyev O‘zbekistonni hisobda oldinga olib chiqdi. 90+1-daqiqada esa Sergeyev dublni rasmiylashtirgan holda o‘yinga yakuniy nuqtani qo‘ydi.
Shu tariqa O‘zbekiston terma jamoasi Navruz Cup—2022 finaliga yo‘l oldi. Hal qiluvchi bahsda jamoa 29-mart kuni Ugandaga qarshi bahs olib boradi. 3-o‘rin uchun bahsda Tojikiston va Qirg‘iziston to‘qnash keladi.
Navruz Cup—2022
Yarim final bahsi
25-mart, juma
O‘zbekiston — Qirg‘iziston 3:1
Gollar: 0:1 — 6 Murzoyev, 1:1 — 64 Shomurodov, 2:1 — 85 Sergeyev, 3:1 — 90+1 Sergeyev.O‘zbekiston: 12.O‘tkir Yusupov, 3.Hojiakbar Alijonov, 18.Abdulla Abdullayev, 5.Rustam Ashurmatov, 4.Farrux Sayfiyev, 9.Odil Hamrobekov, 7.Otabek Shukurov, 22.Javohir Siddiqov (19.Azizbek Omonov, 46), 17.Dostonbek Hamdamov (21.Igor Sergeyev, 79), 10.Jaloliddin Masharipov (23.Oybek Bozorov, 89), 14.Eldor Shomurodov (15.Umar Eshmurodov, 87).
Qirg‘iziston: 13.Erjan Tokotayev, 2.Valeriy Kichin, 5.Ayzar Akmatov, 18.Qayrat Jirgalbek, 11.Bekjan Saginbayev (14.Aleksandr Mishenko, 72), 20.Baxtiyar Duyshobekov, 12.Odiljon Abdurahmonov (8.Azim Azarov, 82), 22.Alimardon Shukurov, 7.Guljigit Alikulov, 21.Farhad Musabekov (23.Ahliddin Isroilov, 72), 10.Mirlan Murzayev.
Izoh (0)