O‘zbekiston futzal milliy terma jamoasi 22-mart kuni navbatdagi o‘quv-mashg‘ulot yig‘inini boshlaydi, deb xabar bermoqda O‘FA matbuot xizmati.
Osiyo kubogining saralash bosqichiga tayyorgarlik ko‘rayotgan terma Toshkentda 7-aprelga qadar mashg‘ulot olib boradi.
Ushbu yig‘in davomida Qirg‘iziston terma jamoasi bilan 2 marotaba o‘rtoqlik uchrashuvida maydonga tushish ko‘zda tutilgan. Bahslar 29—30-mart kunlari Toshkentning “Yunusobod” sport majmuasida bo‘lib o‘tadi.
Terma jamoa ustozi Bahodir Ahmedov yig‘inga quyidagi futbolchilarni jalb etdi.
Darvozabonlar: Rustam Umarov (“OKMK”), Ravshan Eliboyev (“Kaspiy”, Qozog‘iston), Abbos Elmurodov (“Xuaxin-Jizzax”), Bekali Abdurahmonov (“Qizilqum”).
O‘yinchilar: Ixtiyor Ropiyev, Hushnur Erkinov, Anasxon Rahmatov, Ilhom Hamroyev, Husniddin Nishonov, Dilshod Rahmatov, Davron Choriyev, Elbek To‘lqinov (barchasi “Xuaxin-Jizzax”), Shahram Faxriddinov, Daler Eshonqulov, Qosimjon Safarov (uchalasi “Dinamo”), Mashrab Odilov, Akbar Usmonov (ikkisi “Lokomotiv”), Asilbek Isroilov, Xayrulla Solihov (“Bunyodkor”), Muzaffar Ahadjonov, Davlat Ibragimov (ikkisi ham “OKMK”).
Izoh (0)