Ўзбекистон футзал миллий терма жамоаси 22 март куни навбатдаги ўқув-машғулот йиғинини бошлайди, деб хабар бермоқда ЎФА матбуот хизмати.
Осиё кубогининг саралаш босқичига тайёргарлик кўраётган терма Тошкентда 7 апрелга қадар машғулот олиб боради.
Ушбу йиғин давомида Қирғизистон терма жамоаси билан 2 маротаба ўртоқлик учрашувида майдонга тушиш кўзда тутилган. Баҳслар 29—30 март кунлари Тошкентнинг «Юнусобод» спорт мажмуасида бўлиб ўтади.
Терма жамоа устози Баҳодир Аҳмедов йиғинга қуйидаги футболчиларни жалб этди.
Дарвозабонлар: Рустам Умаров («ОКМК»), Равшан Элибоев («Каспий», Қозоғистон), Аббос Элмуродов («Хуахин-Жиззах»), Бекали Абдураҳмонов («Қизилқум»).
Ўйинчилар: Ихтиёр Ропиев, Ҳушнур Эркинов, Анасхон Раҳматов, Илҳом Ҳамроев, Ҳусниддин Нишонов, Дилшод Раҳматов, Даврон Чориев, Элбек Тўлқинов (барчаси «Хуахин-Жиззах»), Шаҳрам Фахриддинов, Далер Эшонқулов, Қосимжон Сафаров (учаласи «Динамо»), Машраб Одилов, Акбар Усмонов (иккиси «Локомотив»), Асилбек Исроилов, Хайрулла Солиҳов («Бунёдкор»), Музаффар Аҳаджонов, Давлат Ибрагимов (иккиси ҳам «ОКМК»).
Изоҳ (0)