“Barselona” sobiq bosh murabbiyi Ronald Kuman Niderlandiya terma jamoasi bosh murabbiyi bo‘lishi mumkin. Mutaxassis bu lavozimda JCh—2022 dan (2022-yilning dekabrida) keyin shartnomasi tugaydigan Lui van Galning o‘rnini egallaydi, deb yozadi NOS.
O‘z shtabini shakllantirish bilan band bo‘lgan Kuman hozirda ishsiz. U oktabr oyi oxirida bir qator qoniqarsiz natijalardan so‘ng “Barselona” ustozligidan iste’foga chiqarilgandi.
Qayd etish kerak, 59 yoshli mutaxassis 2018—2020-yillarda ham terma jamoani boshqargan. Niderlandiya uning qo‘l ostida 2019-yilning yozida Millatlar Ligasi finaliga qadar yetib borgan. O‘shanda jamoa hal qiluvchi bahsda Portugaliyaga 0:1 hisobida mag‘lub bo‘lgandi.
Eslatib o‘tamiz, Kuman 2020-yilning avgustida “Barselona” bosh murabbiyi etib tayinlangandi. 2020/2021-yilgi mavsumda katalon klubi Ispaniya Kubogida g‘alaba qozondi, La Ligada esa 3-o‘rinni egalladi. Klub rahbariyati uni 2021-yilning 28-oktabrida jamoa “Rayo Valekano”ga 0:1 hisobida mag‘lub bo‘lganidan so‘ng iste’foga chiqargan.
Izoh (0)