Hujumchi Lautaro Martines koronavirusga chalindi. Bu haqda “Inter” rasmiy saytida xabar berildi.
Milan klubi futbolchisi Argentina terma jamoasiga jalb etilishi oldidan koronavirusga ijobiy test topshirgan. Shu tariqa endi u Argentinaga JCh—2022 saralashidan o‘rin olgan o‘yinlarda yordam bera olmaydi.
Terma jamoa 26 va 30-mart kunlari Venesuela va Ekvador bilan bahs olib boradi.
Qayd etilishicha, o‘yinchi sanitariya protokolida ko‘rsatilgan tartib-qoidalarga amal qiladi.
Ma’lumot uchun, Martines 2018-yildan beri “Inter” sharafini himoya qilib keladi. U 2021/22-yilgi mavsumda barcha musobaqalarda 39 o‘yinda maydonga tushib, o‘z hisobiga 16 ta gol va 2 ta golli uzatma yozdirib qo‘ydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)