AQSh sobiq prezidenti Donald Tramp Rossiya qo‘shinlarining Ukraina chegarasiga joylashtirilishi bu muzokaralar o‘tkazishning “qattiq, biroq aqlli” usuli deb o‘ylagan. Bu haqda u Washington Examiner’ga bergan intervyusida ma’lum qildi.
Tramp Rossiya prezidenti Vladimir Putin Ukrainada harbiy operatsiya boshlaganidan hayratda qolganini tan olgan.
“Men hayratdaman, hayratda. Vladimir Putin harbiylarni chegaraga yuborganda shu usulda muzokara o‘tkazyapti deb o‘yladim… Bu muzokaralar o‘tkazishning qattiq, biroq aqlli usuli deb o‘yladim. U hamma kabi Qo‘shma Shtatlar bilan yaxshi bitimga kelishish niyatida deya hisobladim, xuddi boshqa odamlar har qanday savdo bitimida kelishish niyatida bo‘lgani kabi”, — deydi Donald Tramp.
AQShning 45-prezidentining fikricha, Rossiyaning Ukrainada harbiy operatsiya boshlash qarori “butun dunyo uchun qayg‘uli” bo‘lgan. Tramp Putin bilan aynan o‘zi “juda qattiq” munosabatda bo‘lganini, shunga qaramay, u bilan dialog qura olganini ta’kidlagan.
Avvalroq Donald Tramp Ukraina atrofidagi vaziyat Uchinchi jahon urushiga olib kelishi mumkinligini ma’lum qilgandi. Uning hisoblashicha, bu kabi fojia Vladimir Putin bilan “gaplasha oladigan odam yo‘qligi” uchun sodir bo‘ladi.
24-fevral kuni Rossiya prezidenti Vladimir Putin Donbassdagi mahalliy aholini “genotsid”dan qutqarish maqsadida maxsus operatsiya boshlanganini e’lon qildi. Ukrainada urush roppa-rosa uch haftadan beri davom etmoqda. 16-mart kuni Kiyevda kuchaytirilgan komendantlik soati amalda bo‘ldi — aholiga maxsus ruxsatnomalarsiz uylarini tark etish taqiqlandi. Mariupolda drama teatri binosi butunlay vayron qilindi. Ukraina prezidenti Vladimir Zelenskiy AQShdan mamlakat osmonini yopishni yoki havo mudofaasini ta’minlashni talab qildi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
Izoh (0)