16-mart kuni Yaponiya shimoli-sharqida sodir bo‘lgan kuchli zilzila oqibatida ikki kishi halok bo‘ldi va yana 92 kishi jabrlandi. Bu haqda Kyodo agentligiga tayanib, “Interfaks” xabar berdi.
Yaponiya tabiiy ofatlar va yong‘inga qarshi kurashish agentligi ma’lumotlariga ko‘ra, 17-mart kuni ertalab yettita prefekturada, jumladan, yer osti silkinishlari magnitudasi 7,4 ballga yetgan Miyagi va Fukusimada 92 kishi jarohat olgani to‘g‘risida ma’lumotlar to‘plangan.
Aomori prefekturasida zilzila natijasida tezyurar poyezd relsdan chiqib ketgan. Hozircha harakatni to‘liq tiklashning imkoni bo‘lmagan. Bundan tashqari, zilzila 2 milliondan ortiq xonadonni elektr energiyasisiz qoldirgan.
Fukusima va Miyagi sohillarida istiqomat qiluvchi yuzlab odamlar sunami xavfi sabab evakuatsiya qilingan.
Yaponiya shimoli-sharqida zilzila 16-mart kuni Toshkent vaqti bilan 19:36 da sodir bo‘ldi. Yer osti silkinishlarining episentri Fukusima prefekturasi qirg‘og‘idan taxminan 60 kilometr chuqurlikda. Zilzila Yeponiyaning sharqiy qismida sezilgan.
Shuningdek, 3 balli yer osti silkinishlari Janubiy Kurilda joylashgan Shikotan orolidagi qishloqda ham qayd etilgan.
Izoh (0)