Toshkent shahri Mirzo Ulug‘bek tumanida avtomobillar ustiga daraxt qulab tushdi, deya xabar bermoqda Favqulodda vaziyatlar vazirligi.
Qayd etilishicha, 12-mart kuni soat 22:10 larda Mirzo Ulug‘bek tumani Shahrisabz ko‘chasida joylashgan Le Grande Plaza mehmonxona ro‘parasidagi daraxt avtomashinalar ustiga qulagani bo‘yicha Toshkent shahar FVBga xabar kelib tushgan.
Voqea joyiga zudlik bilan 1 ta qutqaruv ekipaji yetib borgan. Daraxt qulashi natijasida 3 ta yengil avtomobil shikastlangan bo‘lib, jabrlangan yoki halok bo‘lgan fuqarolar yo‘q.
“Favqulodda vaziyatlar vazirligi kuchli shamol va yog‘ingarchilik vaqtida avtotransport vositalarini daraxtlar ostida qoldirmasligingizni so‘rab qoladi”, — deyiladi xabarda.
Izoh (0)