17-noyabr tongida Toshkentning Labzak mavzesi hududida daraxt yo‘lning qatnov qismiga qulab, Matiz avtomobilining old qismiga zarar yetkazdi, deb xabar beradi “Gazeta.uz”.
Ma’lum qilinishicha, hodisa joyiga o‘t o‘chirish brigadasi yetib kelgan. Jarohat olganlar yo‘q. Daraxt avtomobilning old qismini shikastlagan.
Daraxt ko‘chaning yarmini to‘sib qo‘ygan, mashinalar uni aylanib o‘tishiga to‘g‘ri kelmoqda.
“Kechasi shaharda yomg‘ir yog‘di, keyin u qorga aylandi. Daraxt namlikning og‘irligi ostida singan bo‘lishi mumkin”, — deyiladi xabarda.
Avvalroq Qarshi shahrida chirigan daraxt Damas’ni bosib qolgani to‘g‘risida xabar berilgandi.Mavzuga doir: Toshkent markazida kuchli shamol oqibatida Malibu ustiga daraxt quladi. Haydovchi qiz jarohat olgani aytilmoqda
