Тошкент шаҳри Мирзо Улуғбек туманида автомобиллар устига дарахт қулаб тушди, дея хабар бермоқда Фавқулодда вазиятлар вазирлиги.
Қайд этилишича, 12 март куни соат 22:10 ларда Мирзо Улуғбек тумани Шаҳрисабз кўчасида жойлашган Le Grande Plaza меҳмонхона рўпарасидаги дарахт автомашиналар устига қулагани бўйича Тошкент шаҳар ФВБга хабар келиб тушган.
Воқеа жойига зудлик билан 1 та қутқарув экипажи етиб борган. Дарахт қулаши натижасида 3 та енгил автомобиль шикастланган бўлиб, жабрланган ёки ҳалок бўлган фуқаролар йўқ.
«Фавқулодда вазиятлар вазирлиги кучли шамол ва ёғингарчилик вақтида автотранспорт воситаларини дарахтлар остида қолдирмаслигингизни сўраб қолади», — дейилади хабарда.
Изоҳ (0)