Toshkent shahri Mirobod tumanida kredit mablag‘lari evaziga kriptavalyuta sotib olgan fuqarolar aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Mirobod tuman bo‘limi tomonidan tergovga qadar tekshiruv o‘tkazilgan. Unda fuqarolar M.N., M.Sh. va M.X. tumandagi tijorat bankidan o‘zi va tanishlari nomiga 783,6 million so‘m kredit ajratishga erishib, kredit mablag‘ini talon-toroj qilgani aniqlangan.
Shuningdek, ushbu mablag‘ evaziga “B.” nomli birja ilovasi orqali 36 ming dollarni kriptovalyuta savdosiga tikkan. Spark va Gentra rusumli avtomashinalarni sotib olib, jinoiy faoliyatdan olingan mulkni legallashtirgan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 243-moddasi (jinoiy faoliyatdan olingan daromadlarni legallashtirish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Buxoroda korxona rahbari tadbirkorning 1,3 mlrd so‘mlik mahsulotini o‘zlashtirib, 2 ta Damas, Toyota Hiace va Isuzu sotib olgani aniqlandi
- Sergelida 32,5 ming dollarni o‘zlashtirib yuborgan bank kassiri va bosh mutaxassisiga jinoyat ishi qo‘zg‘atildi
- Surxondaryoda 741 mln so‘mdan ortiq budjet mablag‘larini talon-toroj qilgan viloyat perinatal markazi mutasaddilariga jinoyat ishi qo‘zg‘atildi
Izoh (0)