Тошкент шаҳри Миробод туманида кредит маблағлари эвазига криптавалюта сотиб олган фуқаролар аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Миробод туман бўлими томонидан терговга қадар текширув ўтказилган. Унда фуқаролар М.Н., М.Ш. ва М.Х. тумандаги тижорат банкидан ўзи ва танишлари номига 783,6 миллион сўм кредит ажратишга эришиб, кредит маблағини талон-торож қилгани аниқланган.
Шунингдек, ушбу маблағ эвазига «Б.» номли биржа иловаси орқали 36 минг долларни криптовалюта савдосига тиккан. Spark ва Gentra русумли автомашиналарни сотиб олиб, жиноий фаолиятдан олинган мулкни легаллаштирган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 243-моддаси (жиноий фаолиятдан олинган даромадларни легаллаштириш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Бухорода корхона раҳбари тадбиркорнинг 1,3 млрд сўмлик маҳсулотини ўзлаштириб, 2 та Damas, Toyota Ҳиаcе ва Isuzu сотиб олгани аниқланди
- Сергелида 32,5 минг долларни ўзлаштириб юборган банк кассири ва бош мутахассисига жиноят иши қўзғатилди
- Сурхондарёда 741 млн сўмдан ортиқ бюджет маблағларини талон-торож қилган вилоят перинатал маркази мутасаддиларига жиноят иши қўзғатилди
Изоҳ (0)