Professional boksning super o‘rta vazn toifasida ringga chiqayotgan o‘zbekistonlik Bektemir Meliqo‘ziyev (8-1, 6 KO) navbatdagi jangini 2022-yilning 19-mart kuni o‘tkazadi. Bu haqida Boxrec portali ma’lum qildi.
O‘zbekistonlik bokschi AQShning Los-Anjeles shahrida bo‘lib o‘tadigan boks oqshomida kanadalik Devid Zegarraga (34-7, 21 KO) qarshi jang qiladi. USC Galen Center arenasida bo‘lib o‘tishi kutilayotgan jang 10 raundga mo‘ljallangan.
Musobaqaning asosiy jangi yarim o‘rta vazn toifasi vakillari amerikalik Verjil Ortiz va britaniyalik Maykl Makkinson o‘rtasida kechadi.
Eslatib o‘tamiz, Meliqo‘ziyev so‘nggi jangini 2021-yil 17-dekabrda Toshkentda bo‘lib o‘tgan boks oqshomida rossiyalik Sergey Yekimov (18-4, 9 KO) ustidan g‘alaba qozongandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)