Luis Suares “Atletiko”da o‘ziga bo‘layotgan munosabatdan norozi va klubni tark etmoqchi.
Urugvaylik futbolchi “matraschilar” unga yozda o‘z nihoyasiga yetadigan shartnomani uzaytirishni taklif qilmayotganidan xavotirda.
35 yoshli futbolchi 2022-yilgi Jahon Chempionatida o‘ynash uchun yuqori saviyada harakat qilishda davom etmoqchi.
Marca ushbu xabarlar fonida Suaresga “Inter”, “Sevilya” va Braziliya klublari qiziqish bildirayotgani haqida yozdi. Shuningdek, “Ayaks” ham futbolchining transferi borasida “Atletiko” bilan bog‘langan.
Ma’lumot uchun, Suares 2020-yilda erkin agent sifatida “Barselona”dan “Atletiko M”ga o‘tgandi. U La Liganing 2021/22-yilgi mavsumida 26 ta o‘yinda maydonga tushib, 9 ta gol va 2 ta golli uzatmaga mualliflik qildi.
Izoh (0)