Futbol bo‘yicha Yevropa Chempionlar Ligasi nimchorak final javob uchrashuvlari 8-mart, seshanba kuni bo‘lib o‘tdi.
“Bavariya” o‘z uyida “Zalsburg” bilan bahs olib bordi. Uchrashuvning 12, 21 va 23-daqiqalarida Robert Levandovski gol urib, het-trikni rasmiylashtirdi. 31-daqiqada Serj Gnabri hisobni yiriklashtirdi.
54-daqiqada Tomas Myuller myunxenliklarning beshinchi goliga mualliflik qildi. 70-daqiqada “Zalsburg” safida Kyergor gol muallifiga aylandi. 83-daqiqada Tomas Myuller gol urib, dubl qayd etdi. 85-daqiqada esa Leroy Sane yakuniy hisobni o‘rnatdi.
Jamoalar o‘rtasidagi dastlabki bahs 1:1 hisobidagi durang natija bilan yakunlangan edi. Umumiy hisobda 8:2, “Bavariya” foydasiga. Yulian Nagelsmann shogirdlari chorak final yo‘llanmasiga ega chiqdi.
“Liverpul” “Inter”ni mehmon qildi. Uchrashuvdagi yagona golni Lautaro Martines o‘z hisobiga yozdirib qo‘ydi.
Dastlabki bahsda urilgan javobsiz ikkita gol evaziga Yurgen Klopp shogirdlari keyingi bosqich masalasini hal qildi.
Shu tariqa “Bavariya” va “Liverpul” Chempionlar Ligasining dastlabki chorak finalchilariga aylandi.
Yevropa Chempionlar Ligasi
1/8 final, javob o‘yinlari
8-mart, seshanba
“Bavariya” Germaniya – “Zalsburg” Avstriya 7:1
Gollar: 1:0 – 12 Levandovski (penalti), 2:0 – 21 Levandovski (penalti), 3:0 – 23 Levandovski, 4:0 – 31 Gnabri, 5:0 – 54 Myuller, 5:1 – 70 Kyergor, 6:1 – 83 Myuller, 7:1 – 85 Sane.“Bavariya”: Noyer, Zyule (Nyanzu, 66), Ernandes (Upamekano, 60), Pavar, Gnabri (Sarr, 46), Kimmix, Musiala (Roka, 66), Myuller, Levandovski, Koman (Shupo-Moting, 66), Sane.
“Zalsburg”: Ken, Kristensen, Veber, Sole (Piontkovski, 46), Ulmer, Kamara (Tijani, 67), Zayvald (Suchich, 46), Kapaldo, Aaronson, Adamu (Kyergor, 61), Adeyemi (Sheshko, 62).
“Liverpul” Angliya – “Inter” Italiya 0:1
Gol: 0:1 – 61 Martines.“Liverpul”: Alisson, Aleksander-Arnold, Matip, van Deyk, Robertson, Tiago Alkantara (Henderson, 65), Fabinyo, Jons (Keyta, 65), Saloh, Mane, Diogu Jota (Dias, 83).
“Inter”: Handanovich, Dumfris (Darmian, 75), de Vrey (D’Ambrozio, 46), Shkrinyar, Bastoni, Perishich, Vidal, Brozovich (Galyardini, 75), Chalxano‘g‘lu (Vesino, 83), Sanches, Martines (Korrea, 75).
Ogohlantirishlar: Diogu Jota (40), Sanches (45), Vidal (45), Robertson (47), Mane (70), Bastoni (85).
Chetlatish: Sanches (63).
Izoh (0)