Shveysariya prokuraturasi “PSJ” prezidenti Nossir al-Helayfi uchun 28 oylik qamoq jazosi talab qilmoqda.
“PSJ” prezidenti FIFAning sobiq bosh kotibi Jerom Valke bilan jinoyat sodir etishda til biriktirganlikda ayblanmoqda. Valkening o‘zi uchun esa 35 oylik qamoq jazosi so‘ralgan.
Ish allaqachon ko‘rib chiqilgan va 2020-yil oktabr oyida Nosir Al-Helayfi sud tomonidan oqlangan, Valke esa shartli ravishda 120 kunlik qamoq jazosiga hukm qilingandi. RMC Sport xabariga ko‘ra, bu gal sud jarayonlari Bellinsona federal jinoiy sudining appelyatsiya palatasida ko‘rib chiqilmoqda.
Al-Helayfi ushbu sud jarayonida beIN Media televizion guruhi rahbari sifatida ishtirok etmoqda. Qatarlik funksioner Jahon Chempionati translyatsiya huquqini sotish ishida korrupsiyada ayblanayotgan Valkega pora bergani aytilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)