Futbol bo‘yicha Angliya Premyer Ligasining 28-turida “Arsenal” 6-mart, yakshanba kuni “Uotford” maydonida mehmon bo‘ldi.
Uchrashuvning 5-daqiqasidayoq Martin Edegor londonliklarni oldinga olib chiqqan bo‘lsa, oradan ko‘p o‘tmay maydon egalari muvozanatni tikladi. 30-daqiqada Bukayo Saka mehmonlaring ikkinchi golini urdi.
Ikkinchi bo‘lim debyutida Gabriel Martinelli oradagi farqni yana oshirdi. Uchrashuv yakunlanishi arafasida Mussa Sissoko yakuniy hisobni o‘rnatdi — 2:3.
Ushbu g‘alabadan keyin “Arsenal” ochkolarini 48 taga yetkazib olgan holda, 4-o‘ringa ko‘tarildi. London klubi hisobida uchta zaxira o‘yini bor. “Uotford” (19) 19-pog‘onada bormoqda.
APL
28-tur bahsi
6-mart, yakshanba
“Uotford” — “Arsenal” 2:3
Gollar: 0:1 – 5 Edegor, 1:1 – 11 Ernandes, 1:2 – 30 Saka, 1:3 – 52 Martinelli, 2:3 – 87 Sissoko.“Uotford”: Foster, Femeniya, Ketkart, Samir, Kamara, Sissoko, Kleverli (Kalu, 89), Luza (Kayembe, 64), Ernandes, Dennis, Joao Pedro.
“Arsenal”: Remsdeyl, Soaresh, Gabriel, Uayt, Tirni, Jaka, Parti, Edegor (Holding, 90), Lyakazett (Nketia, 80), Martinelli (Pepe, 73), Saka.
Ogohlantirishlar: Soaresh (58), Kketia (90+3), Ernandes (90+6).
Izoh (0)