Futbol bo‘yicha Ispaniya La Ligasining 27-turidan o‘rin olgan o‘yinlar 5-mart, shanba kuni bo‘lib o‘tdi.
“Real” Madridda “Real Sosyedad”ni qabul qilib, 4:1 hisobidagi g‘alabani tantana qildi. Mezbonlar safida Eduardo Kamavinga va Luka Modrich uzoq masofadan ajoyib gollar urgan bo‘lsa, Karim Benzema 11 metrlik jarima zarbasini golga aylantirdi. Shuningdek, Marko Asensio ham o‘z nomini tabloga yozdirib qo‘ydi. Mehmonlarning goliga esa Mikel Oyarsabal mualliflik qildi.
Karlo Anchelotti shogirdlari ushbu g‘alabadan keyin ochkolari sonini 63 taga yetkazib olib, 1-o‘ringa mustahkam o‘rnashib oldi. Hisobida 44 ochko bo‘lgan “Real Sosyedad” 6-pog‘onani band etib turibdi.
La Liga
27-tur bahslari
5-mart, shanba
“Real” – “Real Sosyedad” 4:1
Gollar: 0:1 – 10, penalti Oyarsabal, 1:1 – 40 Kamavinga, 2:1 – 43 Modrich, 3:1 – 76, penalti Benzema, 4:1 – 79 Asensio.“Real”: Kurtua, Karvaxal (Vaskes, 84), Alaba, Militao, Mendi, Modrich (Sebalyos, 82), Kazemiro, Kamavinga, Benzema (Mariano Dias, 84), Vinisius Junior (Marselo, 82), Rodrigo (Asensio, 77).
“Real Sosyedad”: Remiro, Saldua (Elustondo, 64), Le Norman, Pacheko (Rafinya, 46), Gorosabel, Ilyarramendi (Subimendi, 64), Merino, Subeldiya, Silva (Juaxra, 46), Isak (Serlot, 80), Oyarsabal.
Ogohlantirishlar: Saldua (58), Merino (81).
Izoh (0)