UFC 272. Xorxe Masvidal 5 raund davom etgan jangda Kolbi Kovingtonga yutqazib qo‘ydi, Umar Nurmagomedov 1-raunddayoq g‘alaba qozondi

AQShning Las-Vegas shahrida Toshkent vaqti bilan 6-mart tongida UFC 272 musobaqasi bo‘lib o‘tdi.

Oqshomning asosiy jangi yarim o‘rta vazn toifasi vakillari Xorxe Masvidal (35-16) va Kolbi Kovington (17-3) o‘rtasida kechdi. Besh raund davom etgan jangning katta qismi Kovington ustunligi ostida o‘tdi va yakunda hakamlar yakdil ovoz bilan Kolbining g‘alabasini qayd etdi — 49:46, 50:44, 50:45.

Yana bir asosiy janglardan birida Rafael dos Anyos ochkolar hisobiga Renato Moykanoni mag‘lub etdi. Umar Nurmagomedov esa 1-raunddayoq Brayan Kelleherni bo‘g‘ish usuli bilan taslim etdi.

Asosiy kard

• Kolbi Kovington ochkolar evaziga Xorxe Masvidalni yutdi;
• Rafael dos Anyos ochkolar evaziga Renato Moykanoni yengdi;
• Brays Mitchell ochkolar evaziga Edson Barbozani mag‘lub etdi;
• Kevin Holland 2-raundda Aleks Oliveyrani nokautga uchratdi;
• Sergey Spivak 1-raundda Greg Hardini nokautga uchratdi.

• Jalin Tyorner 2-raundda Jeymi Mallarkni nokaut qildi;
• Marina Rodriges ochkolar evaziga Yan Syaonanni yutdi;
• Nikolae Negumeryanu ochkolar evaziga Kennedi Nzechukvunidan ustun keldi;
• Marina Moroz 2-raundda sabmishen orqali Mariya Agapovani yengdi;
• Umar Nurmagomedov 1-raundda Brayan Kelleherni sabmishen bilan yutdi;
• Tim Elliot ochkolar evaziga Tagir Ulanbekoni mag‘lub etdi;
• Lyudovit Kleyn ochkolar evaziga Devonte Smitni taslim etdi;
• Dastin Yakobi ochkolar evaziga Mixal Oleksiychukni yengdi.