Futbol bo‘yicha Angliya Premyer Ligasining 28-turidan o‘rin olgan o‘yinda “Liverpul” 5-mart, shanba kuni “Vest Hem” bilan bahs yuritdi.
“Enfild”da o‘tgan o‘yinda mezbonlarning qo‘li baland keldi. Uchrashuv taqdirini hal qilib bergan yagona 27-daqiqada Sadio Mane tomonidan kiritildi. Shundan so‘ng jamoalar har qancha urinmasin, darvozalarga boshqa gol kiritilmadi.
Shu tariqa “Liverpul” o‘z maydonida kechgan bahsda muhim bo‘lgan 3 ochkoni qo‘lga kiritdi. Ushbu g‘alabadan keyin “qizillar”ning ochkolari soni 63 taga yetdi. Jamoa peshqadam “Manchester Siti” bilan oradagi farqni 3 ochkoga qisqartirdi. “Shaharliklar” mazkur turda “Manchester Yunayted” bilan bahs olib boradi. “Vest Hem” esa 45 ochko bilan 5-o‘rinda bormoqda.
APL
28-tur bahsi
5-mart, shanba
“Liverpul” – “Vest Hem” 1:0
Gol: 1:0 – 27 Mane.“Liverpul”: Alisson, Aleksander-Arnold, van Deyk, Konate, Robertson, Henderson, Fabinyo, Keyta (Milner, 90), Saloh (Diogu Jota, 79), Mane, Dias (Jons, 90).
“Vest Hem”: Fabianski, Jonson, Douson, Zuma, Kressuell, Vlashich (Nobl, 61), Lansini, Souchek, Fornals (Chesters, 90), Bouen (Benraxma, 53), Antonio.
Ogohlantirishlar: Douson (31), Diogu Jota (89), Mane (90).
Izoh (0)