Жиззах вилояти Жиззах шаҳрида қурилиши тугалланмаган бинонинг юқори 3 қавати кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича, 2021 йилда қурилиши бошланган 8 қаватли бинонинг 6, 7 ва 8-қаватлари сотувга қўйилмоқда. Аукционга қўйилаётган бино қисми 30 хонадан иборат, бинонинг умумий майдони 1 011 квадрат метрни ташкил қилади. Тугалланмаган турар жойда газ, сув ва электр таъминоти мавжуд эмас.
Аукционга қўйилган бинонинг бошланғич баҳоси — 5,68 млрд сўм. Аризалар 9 март 09:00 га қадар қабул қилинади. Савдолар худди шу куни 10:00 да бошланади.
Бино иқтисодий суд ҳукми билан Жиззах шаҳар МИБ бўлими томонидан аукционга қўйилган.
Аввалроқ Наманганда «Рим» ресторани 15 млрд сўмга аукционга қўйилгани ҳақида хабар берилган эди.
Изоҳ (0)