“Chelsi”ning klublar o‘rtasidagi JCh yarim finalida qaysi jamoa bilan o‘ynashi ma’lum bo‘ldi

“Chelsi”ning klublar o‘rtasidagi Jahon chempionati 1/2 finalida qaysi jamoaga qarshi o‘ynashi aniqlandi.

6-fevral kuni Saudiya Arabistonining “Al-Hilol” jamoasi Birlashgan Arab Amirliklarining “Al-Jazira”sini mag‘lub etib (6:1), musobaqaning yarim finaliga yo‘l oldi va London klubi bilan to’qnash keladigan.

“Al-Hilol” va “Chelsi” o‘rtasidagi uchrashuv 9-fevral kuni Toshkent vaqti bilan soat 21:30 da boshlanadi.

8-fevral kuni bo‘lib o‘tadigan birinchi yarim finalda esa “Palmeyras” (Braziliya) va “Al-Ahli” (Misr) jamoalari o‘zaro bahs olib boradi.

Musobaqaning final o‘yini 12-fevral kuni 21:30 da (Toshkent) vaqti boshlanishi rejalashtirilgan.

Eslatib o‘tamiz, musobaqaning amaldagi g‘olibi “Bavariya” hisoblanadi. Myunxenliklar o‘tgan musobaqa finalida Meksikaning “UANL Tigres” jamoasini mag‘lub etib, bosh sovringa ega chiqqandi.