Futbol bo‘yicha Fransiya chempionatining 23-turidan o‘rin olgan “Lill” va “PSJ” jamoalari o‘rtasidagi o‘yin 6-fevral, yakshanba kuni bo‘lib o‘tdi.
Uchrashuvning 10-daqiqasida Danilu Pereyra parijliklarni hisobda oldinga olib chiqdi. 28-daqiqada Sven Botman muvozanatni tikladi. 32-daqiqada Presnel Kimpembe “PSJ”ning ikkinchi goliga mualliflik qilgan bo‘lsa, 38-daqiqada Lionel Messi o‘z hisobiga gol yozdirib qo‘ydi.
51-daqiqada Danilu Pereyra dublni rasmiylashtirdi. 67-daqiqada Kilian Mbappe hisobni yirik ko‘rinishga olib keldi.
Ushbu g‘alabadan so‘ng Maurisio Pochettino shogirdlari ochkolari sonini 56 taga yetkazdi va birinchi o‘rinni mustahkamladi. “Lill” esa 32 ochko bilan o‘n birinchi o‘rinda bormoqda.
Liga 1
23-tur bahsi
6-fevral, yakshanba
“Lill” – “PSJ” 1:5
Gollar: 0:1 – 10 Danilu Pereyra, 1:1 – 28 Botman, 1:2 – 32 Kimpembe, 1:3 – 38 Messi, 1:4 – 51 Danilu Pereyra, 1:5 – 67 Mbappe.“Lill”: Grbich, Chelik, Fonte, Botman, Gudmundsson, Jegrova, Andre, Onana, Ben-Arfa (Gomes, 70), Vea (Bradarich, 70), Devid, Bamba (Jegrova, 86).
“PSJ”: Donnarumma, Hakimi, Markinyos, Kimpembe (Kerer, 78), Mendesh, Danilu Pereyra, Verratti, Paredes (Simons, 85), Di Mariya (Draksler, 45), Messi, Mbappe.
Ogohlantirishlar: Paredes (45), Chelik (75), Bradarich (83).
Izoh (0)