Futbol bo‘yicha Italiya A Seriyasining 24-turidan o‘rin olgan bir qator uchrashuvlar 6-fevral, yakshanba kuni bo‘lib o‘tdi.
“Yuventus” o‘z uyida “Verona”ni qabul qildi va debyutantlarning gollari evaziga g‘alabani qo‘lga kiritdi. Dushan Vlahovich va Denis Zakariya turinliklar safidagi dastlabki bahsda gol urishga muvaffaq bo‘ldi.
Ushbu g‘alabadan keyin “Yuventus” ochkolarini 45 taga yetkazib olgan holda, 4-o‘ringa ko‘tarildi.
“Napoli” safarda “Venetsiya”ni taslim etgan bo‘lsa, “Atalanta” kutilmaganda “Kalyari”ga yutqazib qo‘ydi.
A Seriya
24-tur bahslari
6-fevral, yakshanba
“Yuventus” — “Verona” 2:0
Gollar: 1:0 – 13 Vlahovich, 2:0 – 61 Zakariya.“Yuventus”: Shchensni, Danilo, Kyellini (Rugani, 75), de Ligt, De Shilyo, Rabyo, Zakariya (Makkenni, 83), Artur, Morata (Kin, 83), Dibala (Kuadrado, 75), Vlahovich.
“Verona”: Montipo, Depaoli, Chekkerini (Retsos, 72), Gyunter, Kazale (Shutalo, 84), Lazovich, Velozu (Bessa, 46), Tamez, Barak (Kalinich, 72), Ilich (Prashelik, 84), Lazanya.
Ogohlantirishlar: Depaoli (17), Morata (58).
Izoh (0)