«Челси»нинг клублар ўртасидаги ЖЧ ярим финалида қайси жамоа билан ўйнаши маълум бўлди

«Челси»нинг клублар ўртасидаги Жаҳон чемпионати 1/2 финалида қайси жамоага қарши ўйнаши аниқланди.

6 февраль куни Саудия Арабистонининг «Ал-Ҳилол» жамоаси Бирлашган Араб Амирликларининг «Ал-Жазира»сини мағлуб этиб (6:1), мусобақанинг ярим финалига йўл олди ва Лондон клуби билан тўқнаш келадиган.

«Ал-Ҳилол» ва «Челси» ўртасидаги учрашув 9 февраль куни Тошкент вақти билан соат 21:30 да бошланади.

8 февраль куни бўлиб ўтадиган биринчи ярим финалда эса «Палмейрас» (Бразилия) ва «Ал-Аҳли» (Миср) жамоалари ўзаро баҳс олиб боради.

Мусобақанинг финал ўйини 12 февраль куни 21:30 да (Тошкент) вақти бошланиши режалаштирилган.

Эслатиб ўтамиз, мусобақанинг амалдаги ғолиби «Бавария» ҳисобланади. Мюнхенликлар ўтган мусобақа финалида Мексиканинг «УАНЛ Тигрес» жамоасини мағлуб этиб, бош совринга эга чиққанди.