Rossiya hukumatining tarkibi yaqin vaqt ichida maksimal darajada masofadan turib ishlash tizimi formatiga o‘tkaziladi. Bu borada bosh vazir Mixail Mishustin mas’ullarga tegishli topshiriq bergan.
Bosh vazir o‘rinbosarlari va hukumat apparatining, shuningdek, federal vazirliklar va idoralarning majlislari masofadan turib ya’ni videokonferensaloqa tizimi orqali o‘tkaziladi.
Hukumat apparati, federal hokimiyat organlari va hukumat qoshidagi tahlil markazining xodimlari imkoniyatdan kelib chiqib uydan turib ish faoliyatini olib borishi zarur.
Yangi tartib-qoidalar 21-yanvardan boshlab kuchga kirgan.
Rossiyada koronavirusning omikron shtammi tarqalishi fonida COVID-19 bilan kasallanish holatlarining soni keskin ko‘paygan. 21-yanvarda rekord darajada – bir sutka ichida 49 513 ta kasallanish holati qayd etildi, ikki hafta avval Rossiyada koronavirus bilan kunlik kasallanish ko‘rsatkichi 15-16 mingdan oshmayotgandi.
Mavzuga doir:
- Boris Jonson Angliyada ko‘plab koronavirus cheklovlari, xususan tibbiy niqob taqib yurish bekor bo‘lishini e’lon qildi
- JSST dunyo bo‘ylab koronavirus bilan kasallanish bir hafta ichida 20 foizga oshganini ma’lum qildi
- Koronavirus pandemiyasi populist-siyosatchilarning kamayishiga olib keldi. Endi odamlar ko‘proq texnokrat siyosatchilarni yoqtirishmoqda
- Gruziyada bir sutkada 7,5 ming kishida koronavirus aniqlandi — bu pandemiya boshidan beri yangi antirekord
Izoh (0)