Eron prezidenti Ibrohim Raisiy NATOning mustaqil davlatlar ichki ishiga aralashish taktikasini hiyla-nayrangga to‘la deb atab, u oxir-oqibat alyansning parchalanishiga olib kelishini ma’lum qildi, deb xabar beradi “Interfaks”.
“NATO turli yashirin bahonalar bilan qator mamlakatlar hududiga kirish bilan shug‘ullanmoqda, ular mustaqil davlatlarga tahdid qilyapti. G‘arb materiyasining tarqatilishi va mustaqil demokratiyalarga qarshi turish, xalqlarning o‘zini o‘zi identifikatsiya qilishi, xalqlarning madaniyati va an’analari NATO kun tartibida va bu shunchaki yolg‘on. Biz ularning harakatida ushbu yolg‘onni ko‘ryapmiz, bu esa oxir-oqibat uning parchalanishiga olib keladi”, — deydi Raisiy Rossiya davlat dumasidagi chiqishida.
Shuningdek, u “hukmronlik siyosati”ni va G‘arb joriy etayotgan sanksiyalarni tanqid qilgan, shuningdek, mustaqil davlatlarni unga qarshi birlashishga chaqirgan.
“Sanksiyalarning joriy etilishi — bu yangi hukmronlikning yana bir shakli va bunga qarshi turish uchun mustaqil davlatlar hamkorligi hamda kollektiv javob kerak. Aks holda turli bahonalar bilan ular sanksiyalar joriy etadi. Ular hatto o‘z ittifoqchilarga qarshi ham sanksiyalar joriy etmoqda”, — deydi Raisiy.
Avvalroq AQSh prezidenti Jo Bayden “Putin hali hech qachon ko‘rmagan” sanksiyalar haqida gapirgani, Xitoy Eronga nisbatan qo‘llanayotgan sanksiyalarga qarshi chiqish qilgani to‘g‘risida xabar berilgandi.
Izoh (0)