Bugun,

  • USD 11095.31
  • RUB 173.84
  • EUR 10772.44

Rossiyada o‘tgan bir kecha-kunduz davomida 1211 kishi koronavirus oqibatida vafot etdi. Bu haqda mamlakatning COVID-19 ga qarshi kurash bo‘yicha federal tezkor shtabiga tayanib, “RBK” xabar berdi.

Foto: AP Photo

Foto: AP Photo

Bu koronavirus pandemiyasi boshlangandan beri Rossiyada qayd etilgan mutlaq maksimal ko‘rsatkich. Avvalgi eng ko‘p o‘lim holatlari 5-noyabr kuni kuzatilgan, o‘shanda 1192 kishi COVID-19 dan vafot etgan.

Rossiya Federatsiyasi tarkibiga kiruvchi 85 ta hududda o‘tgan sutkada yana 39 160 kishida koronavirus aniqlangan.

COVID-19 bilan kunlik kasallanish holatlari bo‘yicha yetakchi hududlar:

  • Moskva — 5287 kishi;
  • Moskva viloyati — 2818;
  • Sankt-Peterburg — 2680;
  • Samara viloyati — 1783 yil;
  • Qrim Respublikasi — 803 kishi.
Rossiya prezidenti Vladimir Putinning farmoni bilan mamlakatda federal darajada joriy etilgan ishlanmaydigan kunlar muddati 7-noyabr kuni tugadi. Biroq beshta hudud — Novgorod, Tomsk, Chelyabinsk, Smolensk va Kursk viloyatlarida mahalliy hokimiyat dam olish kunlarini uzaytirdi.

“Sputnik V” vaksinasini ishlab chiqaruvchi Gamaleya markazi direktori Aleksandr Ginsburg agar koronavirusga qarshi emlash tezligi keskin oshirilsa, bir necha oy ichida virus tarqalishini bartaraf etish, shuningdek, emlanganlar va emlanmaganlar o‘rtasida “chiziq tortish” mumkinligini aytdi.

“Vaksinatsiyadan ajratilgan holda kiritilgan cheklov choralari amalda foydasiz. Ular emlanganlar sonini keskin oshirish bilan birlashtirilishi kerak”, — tushuntirdi u. “Moskva meri Sergey Sobyanin so‘nggi o‘n kun ichida kunlik emlanganlar soni to‘rt baravar ortganini aytdi. Buni o‘n baravar oshirish kerak. Shundagina mening taxminiy hisob-kitoblarimga ko‘ra, bir necha oy ichida bu infeksiyani yengish mumkin bo‘ladi. Bundan tashqari, emlanganlar, ya’ni QR-kodga ega odamlar va emlanmaganlar o‘rtasida chiziq tortilishi kerak. Ularni keskin farqlash zarur”, — dedi olim.

Avvalroq Rossiyada COVID-19 ning yangi to‘lqini yuz berayotgani, bunga koronavirusning delta (“hindcha”) shtammi bilan bog‘liq vaziyat sabab bo‘lgani to‘g‘risida xabar berilgandi. Operativ shtab deyarli har kuni koronavirus bilan kasallanish va o‘lim holatlari bo‘yicha antirekordlar haqida hisobot bermoqda.

Izoh
Asosiy yangiliklar
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)
Mahalliy
Nogiron fuqaroning bo‘yniga zanjir bog‘langani aks etgan video yuzasidan izoh berildi
Mahalliy
O‘zbekistonning katta qismida hafta oxiriga borib anomal sovuq bo‘lishi kutilmoqda