Россия ҳукуматининг таркиби яқин вақт ичида максимал даражада масофадан туриб ишлаш тизими форматига ўтказилади. Бу борада бош вазир Михаил Мишустин масъулларга тегишли топшириқ берган.
Бош вазир ўринбосарлари ва ҳукумат аппаратининг, шунингдек, федерал вазирликлар ва идораларнинг мажлислари масофадан туриб яъни видеоконференцалоқа тизими орқали ўтказилади.
Ҳукумат аппарати, федерал ҳокимият органлари ва ҳукумат қошидаги таҳлил марказининг ходимлари имкониятдан келиб чиқиб уйдан туриб иш фаолиятини олиб бориши зарур.
Янги тартиб-қоидалар 21 январдан бошлаб кучга кирган.
Россияда коронавируснинг омикрон штамми тарқалиши фонида COVID-19 билан касалланиш ҳолатларининг сони кескин кўпайган. 21 январда рекорд даражада – бир сутка ичида 49 513 та касалланиш ҳолати қайд этилди, икки ҳафта аввал Россияда коронавирус билан кунлик касалланиш кўрсаткичи 15–16 мингдан ошмаётганди.
Мавзуга доир:
- Борис Жонсон Англияда кўплаб коронавирус чекловлари, хусусан тиббий ниқоб тақиб юриш бекор бўлишини эълон қилди
- ЖССТ дунё бўйлаб коронавирус билан касалланиш бир ҳафта ичида 20 фоизга ошганини маълум қилди
- Коронавирус пандемияси популист-сиёсатчиларнинг камайишига олиб келди. Энди одамлар кўпроқ технократ сиёсатчиларни ёқтиришмоқда
- Грузияда бир суткада 7,5 минг кишида коронавирус аниқланди — бу пандемия бошидан бери янги антирекорд
Изоҳ (0)