Ozarbayjonda uch hamkasbini otib tashlagan Davlat chegara xizmatining harbiy xizmatchisi qo‘lga olindi. Bu haqda mamlakat Bosh prokuraturasi o‘zining Telegram kanalida xabar bergan.
“O‘tkazilgan tezkor-qidiruv tadbirlari natijasida gumondor Elxon Avazli 2022-yil 3-yanvar kuni soat 00:30 atrofida Lochin tumani, Malxalaf qishlog‘i hududidan topilib, ushlandi”, — deyiladi xabarda.
Xabarda ta’kidlanishicha, jinoyat ishi Bosh prokuratura rahbariyati tomonidan alohida nazoratga olingan, hodisa yuzasidan tergov harakatlari davom etmoqda.
Ozarbayjon Davlat chegara xizmati serjanti 2-yanvar kuni soat 18:00 atrofida “Gubadli” alohida chegara bo‘linmasi hududida o‘z hamkasblariga qarata o‘t ochgan. Uning qilmishi natijasida katta leytenant va ikki nafar kichik serjant halok bo‘lgan. Shundan so‘ng gumondor qurolini tashlab, voqea joyidan qochib ketgan. Harbiy prokuratura jinoiy ish ochgan.
Avvalroq Hindistonda harbiylar xatolik tufayli 10 dan ortiq tinch aholini otib tashlagani xabar berilgandi.
Izoh (0)