Bayram dasturxonini tovuq va pishloq qo‘shib tayyorlanadigan salat — “Yangi yil soati” bilan bezang

Ushbu salatni nafaqat bayram kunlari, balki tushlik va kechki ovqatga iste’mol qilsangiz ham bo‘ladi.

Kerakli mahsulotlar:

• kartoshka — 3 dona;
• sabzi — 1-2 dona;
• tuxum — 4 dona;
• pishloq — 120 g;
• dudlangan tovuq oyoqchalari — 2 dona;
• qizil bulg‘ori qalampiri;
• petrushka;
• mayonez;
• zaytun — 3-4 dona.

• Qaynatilgan kartoshka, tuxum va pishloqni qirg‘ichdan chiqaring.
• Tovuq va bulg‘ori qalampirini uncha katta bo‘lmagan bo‘laklarga bo‘ling.
• Sabzidan 12 ta dumaloq shakl va soat strelkasini kesib oling.
• Ko‘katlarni maydalang.
• Maxsus idishga kartoshka, bulg‘ori qalampiri, tovuq, ko‘katlar va tuxumni ustma-ust qilib terib chiqing.
• Har bir qavatdan avval va keyin mayonez surtishni unutmang.
• Sabzi bo‘laklarini soat ko‘rinishida terib chiqing.
• O‘rtasiga zaytun qo‘ying.
• Sabzi ustiga raqamlar chizish uchun mayonezdan foydalaning.
• Ko‘katlar bilan bezab 1-2 soatga sovitkichga qo‘ying.