Pechda pishirilmay tayyorlanadigan Sharlotta torti retsepti

Bayram dasturxoni uchun ayni muddao bo‘lgan yana bir shirinlik retsepti bilan tanishing.

Kerakli mahsulotlar:

• tayyor biskvitli rulet – 400 gramm;
• plastinkali jelatin – 8 dona;
• yogurt – 300 gramm;
• shakar upasi – 100 gramm;
• limon sharbati – 1 choy qoshiq;
• rezavorlar – 250 gramm;
• qaymoq – 500 gramm.

1. Rulet bir xil shaklda kesib olinadi. Dumaloq idishga plyonka solinib, rulet bo‘laklari terib chiqiladi.
2. Jelatin sovuq suvda 10-15 daqiqaga bo‘ktiriladi. Yogurt shakar upasi va limon sharbati bilan aralashtiriladi.
3. Jelatin suvdan olinib, bug‘da eritiladi va 2-3 osh qoshiq yogurt bilan aralashtiriladi.
4. Qolgan yogurt, rezavorlar ham jelatin bilan aralashtiriladi.
5. Qaymoq mikser yordamida ko‘pirtiriladi.
6. Krem va yogurt asta-sekin aralashtiriladi. Tayyor bo‘lgan massa rulet ustidan quyiladi va yana ruletning qolgan qismi terib chiqiladi.
7. Tortning ustki qismi plyonka bilan yopilib, 4-5 soatga muzlatkichga qo‘yiladi.
8. Tortni dasturxonga tortishdan avval dumaloq idish ehtiyotkorlik bilan aylantirib qo‘yiladi. Shundagina tortning shakli chiroyli chiqadi.