O‘zbekiston Superligasining 17-turidan o‘rin olgan bahsda Namanganning “Navbahor” jamoasi o‘z maydonida Jizzaxning “So‘g‘diyona” klubini qabul qildi.

O‘yin boshidan tashabbusni o‘z qo‘liga olishga intilgan Sergey Lushan shogirdlari 7-daqiqada hisobni ochishga muvaffaq bo‘ldi. Mehmonlar jarima maydonchasi ichiga yetkazib berilgan to‘pni raqib futbolchisi ushbu uchrashuvda maydonga “lochinlar” sardori sifatida tushgan Zabihillo O‘rinboyevga yetkazib berdi. Tajribali hujumchi esa ushbu “sovg‘a”dan samarali foydalandi – 1:0.
Ikkinchi bo‘limni hujumkor tarzda boshlagan jizzaxliklar 51-daqiqada hisobni tenglashtirdi. Lyupcho Doriyevning “Navbahor” jarima maydonchasi ichiga yetkazib bergan to‘pini mehmonlarning tojikistonlik himoyachisi Zoir Jo‘raboyev boshi bilan darvozaga aniq yo‘lladi – 1:1.
Shundan so‘ng o‘yin surʼati tenglashib, tashabbus goh u, goh bu jamoa tarafida bo‘ldi. Ammo yakuniy zarbalarga aniqlik yetmadi. Natijada uchrashuv jangovar durang bilan yakunlandi.
Fotolar muallifi: Oqilxon Mamajonov


























Izoh (0)